Një ngjarje e rëndë ka ndodhur pasditen e sotme në Stockholm. Mësohet se një kamion ka hyrë në një rrugë tepër të frekuentuar nga blerësit, duke shtypur dhjetëra persona.
Nga raportimet e para dyshohet për 3 të vdekur dhe shumë të tjerë me plagë të rënda. Ngjarja ka ndodhur në Drottninggatan pranë Klarabergsgatan.
“Nuk e kam idene se ku ndodhet kamioni tani. Di vetëm që pas alarmit SOS erdhëm në vendngjarje dhe po japim ndihmën e parë” – tha një polic për “TheLocal.se”.
Policia konfirmon se ngjarja ka ndodhur në orën 14:50, kohë kjo kur autoritetet u njoftuan se një person me kamion ka marrë përpara një turmë kalimtarësh.
Pak pas ngjarjes autoritetet raportuan për arrestimin e një personi të dyshuar. /javanews/b.d
