Të paktën 21 persona u vranë dhe 63 të tjerë u plagosën sot kur një kamikaz taleban hyri me motor në zyrat e një organizate qeveritare në Mardan, në veriperëndim të Pakistanit, njoftoi policia.
Ky atentat tregon se talebanët pakistanezë kanë gjithnjë aftësinë për të zhvilluar sulme të një shkalle të gjerë pavarësisht ofensivës ushtarake të konsiderueshme kundër bastioneve të tyre, që ka ulur kapacitetet e tyre të të vepruarit.
Kamikazi kaloi gardhin e Autoritetit Kombëtar të Menaxhimit të Kartave të Identitetit (NADRA), organizëm që shpërndan kartat e identitetit pakistaneze, theksoi Faisal Shahzad, oficeri i policisë së rajonit të Mardanit.
ATSH
