Përplasja fatale në autostradën Tiranë – Durrës më 13 Tetor, ku humbën jetën 4 persona, tre vajza dhe një djalë është rasti ku është fokusuar debati i mbrëmshëm në emisionin “Opinion”.
Nga hetimet në vendin e ngjarjes ka rezultuar se Dashnor Deliallisi udhëtonte në sens të kundërt në autostradë, gjë që çoi në aksidentin fatal.
Shefi i Trafikut, Taulant Gjoka tha se 36 – vjeçari ishte gjobitur 22 herë vetëm përgjatë dy viteve të fundit.
3 prej këtyre gjobave, sqaroi Gjoka, ishin për shpejtësi tej normave të lejuara. Ai tha gjithashtu se Deliallisi iu ishte pezulluar për një kohë të shkurtër edhe leja e drejtimit./express/a.k
