Vendosja e kamerave në uniformën e efektivëve të policisë për të monitoruar punën e tyre, si edhe sjelljen e qytetarëve është një risi e Policisë Shqiptare, që ka tërhequr vëmendjen e blogut të Al-Jazira me seli në Bosnje.
Sipas këtij shkrimi, Shqipëria ka ecur me hapa të mëdha në forcimin e policisë. Pak muaj pasi hodhi në publik aplikacionin “Komisariati Dixhital”, përmes së cilit qytetarët mund të denoncojnë ngjarje online në mënyrë anonime. Një aplikacion që ka pësuar një rritje me 50% të aplikuesve në më pak se një vit, tashmë është hedhur një risi e re.
Qeveria prezantoi kamerat në trupin e policisë, të cilat do të monitorojnë punën e uniformave blu në terren dhe gjithashtu dhe sjelljen e qytetarëve.
Një risi, që sipas këtij blogu ka sjellë dhe rezultatet e para, të prangosurit e parë në radhët e qytetarëve.
Sakaq, burime nga policia e Shtetit ka bërë të ditur se janë arrestuar dhjetëra qytetarë, teksa më së fundmi në pranga ka rënë dhe një person që u hoq si drejtor dhe që shantazhoi punonjësin e policisë.
