Gjykata e Fierit ka vendosur masën “Arrest me burg” për ‘mësuesin’ Indrit Alushaj, që i vendosi flakën Drejtorisë Arsimore pak ditë më parë.
Mësohet se ai është shfaqur i penduar në seancën gjyqësore, dhe gjithçka e bëri nga “halli”.
“Jam pa punë kam tre muaj. Më kishin premtuar për punë”, mësohet të ketë thënë 33 vjeçari.
33-vjeçari kishte aplikuar në portalin “Mësues për Shqipërinë” por nuk kishte mundur të fitonte. Përpara dy ditësh Alushaj spërkati me benzinë katin e dytë të Drejtorisë Arsimore dhe i vendosi flakën për motive të dobëta.
Çfarë njoftonte policia për arrestimin e tij
Menjëherë pas marrjes së njoftimit, shërbimet e Komisariatit të Policisë Fier, falë punës së mirëorganizuar dhe veprimeve të shpejta profesionale, bënë të mundur zbardhjen e ngjarjes, identifikimin dhe kapjen në kohë rekord të autorit të kësaj ngjarje, i cili për motive të dobëta, i ka vënë zjarrin katit të dytë të DAR Fier duke e spërkatur fillimisht me lëndë djegëse (benzinë).
Eshtë shoqëruar në Komisariatin e Policisë Fier autori, shtetasi I. A., 33 vjeç, banues në Fier, dhe po kryhen veprimet procedurale./a.p
