Reperi Rigels Rajku i njohur nga të gjithë si Noizy, është prekur pafund nga tërmetet e orëve të fundit prej të cilëve deri më tani janë konfirmuar 26 viktima.
Noizy e ka kaluar mbrëmjen e lënë pas pranë çadrave të ngritura për banorët e prekur në Durrës, madje ka gatuar për ta.
Ai ka publikuar pamje në rrjetet sociale, teksa tregon se ka qarë shumë teksa shkruan:
“Edhe pse patëm fatkeqësi zemrat nuk i prishëm, madje mësuam se sa shumë e duam njeri tjetrin. Nuk kam fjalë për gjestin e shqiptarëve të Kosovës dhe të Maqedonisë, mund të kem parë vetë me sytë e mi mbi 50 kamiona me ndihma për vëllezërit dhe motrat e tyre që kishin nevojë, si me ushqim por edhe jorganë e batanije. Bravo!
Kam qarë shumë, jo nga frika por nga gëzimi dhe jam i mbushur plot me energji. Do ju lutesha organizatave dhe njerëzve që kontribuojnë, të ketë kontroll mbi gjithçka sepse nuk duhet abuzuar me mirësinë, ju që kontribuoni duhet të siguroheni që atë që ju na ofroni të shkojë në vendin e duhur. Edhe një herë në emër të gjithë shqiptarëve ju falenderoj nga zemra. Zoti qoftë me të gjithë ju dhe familjet tuaja. Uroj që këto lloj fatkeqësish mos të ndodhin më kurrë”.
