Kreu i grupit Parlamentar të PS Taulant Balla ka reaguar pas deklaratës së Lulzim Bashës i cili i bëri thirrje prokurorisë që t’i heqë mandatin Ballës dhe të nis hetimin për të.
Në një postim të bërë në rrjetet sociale Balla shkruan se lidhur me akuzat ndaj tij për kërcënimin e oficerit Nuhu, flasin kamerat.
Më tej Balla bën me dije se nesër do të paraqesë një tjetër kallëzim për Bashën dhe dhe Florenc Hoxhën.
“Lulzim!
Ti e di qe je zyrtarisht në hetim për “kallzim të rremë” bashkë me Shpifës Nuhun.
Për mua flasin qartë kamerat e komisariatit (s’kam qenë hiç aty, madje as Nuhun s’e ke aty).
Nesër, sapo të kthehem nga Parlamenti Europian, gati një kallzimi tjetër për ty dhe Florenc Hoxhën, shokun tënd të famshëm që s’i ze dora vend pa shkelur ligjin”, shkruan Taulant Balla.
/b.d
