Partia Demokratike nuk është kursyer as në Bruksel ku gjatë mbledhjes së sotme ka kërkuar largimin e Taulant Ballës nga delegacioni.
Deputeti demokrat Genc Pollo ka ngritur tonet edhe në Parlamentin Europian.
Teksa Balla fliste përballë të pranishmëve, Pollo kërkoi fjalën.
Ndërkohë drejtuesja e Komisionit “kritikoi” Pollon, ndërsa ky i fundit bashkë me përfaqësuesit u larguan nga salla.
“Eurodeputetët e sikletosur nga Balla. Ç’të bëjmë, zemë hundën me dorë e vazhdojmë punën. Eurodeputetët kerkojne zyrtarisht shpjegime për skandalet e Ballës. Balla pasardhës i denjë i Tahirit në këtë Komision; si Tahiri të largohet! Dhe do të largohet. Kjo është e fundit mbledhje e Parlamentit ku Balla është bashkëdrejtues”, tha Pollo.
Ndërkohë që drejtuesja e seancës kërkoi nga deputetët e opozitës të respektojnë rendin e ditës, ndërsa theksoi se me largimin nga mbledhja deputetët tregojnë se janë kundër dialogut
/b.d
