Sekretari i shtetit i SHBA-së, John Kerry, tha se u ka thënë zyrtarëve të Departamentit të Shtetit që të bashëkpunojnë plotësisht me administratën në ardhje të presidentit të zgjedhur.
Pas fitores së Trump, ndaj të favorizuarës Hillary Clinton, Kerry tha se stafi i Departamentit të Shtetit nuk duhet të humbasë vizionin për çështjet e rëndësishme me të cilat përballet SHBA-ja gjithandej botës.
“Një nga gjërat e bukura të demokracisë – dhe ne veçanërisht krenohemi për këtë në SHBA – është se kemi këtë tranzicion të mahnitshëm paqesore të pushtetit”, tha Kerry para gazetarëve në Zelandën e Re.
“Dhe ne do të bëjmë çmos në fuqinë tonë, siç e kam udhëzuar edhe ekipin tonë, që të punojmë me administratën në ardhje plotësisht dhe në mënyrë sa më të hapur, të jemi në ndihmesë sa më shume të jetë e mundur, që bartja e pushtetit të bëhet në mënyrë të qetë”
Kerry ndodhet në Zelandën e Re në një udhëtim për në Antarktikë ku do të vizitojë parkun më të madh detar në Detin Ros, që u krijua me një marrëveshje muajin e kaluar./REL/a.k
