Finalizohet me sukses Operacioni i koduar “Kalimi i fundit”
Sekuestrohen rreth 226 bidona me lëng të dyshuar si ujë për bateri me peshë rreth 5650kg.
Kapen dhe ndalohen 6 doganier si dhe shpallen në kërkim 4 shtetas të tjerë.
Më datë 17.02.2016, pas një hetimi proaktiv nga ana e Sekorit Krimit Ekonomik e Financiar në Drejtorinë Vendore të Policsë Kukës, në bashkëpunim me Prokuorinë e Rrethit Gjyqësor Kukës, u finalizua me sukses operacioni i koduar “Kalimi i fundit”, ku u bë e mundur ekzekutimi i urdhërave të ndalimit për shtetasit :
1-Ndriçim Ademaj, 46 vjeç, banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”, parashikuar nga neni 248 i Kodit Penal.
2- Binak Halilaj, 54 vjeç, banues në Kukës, me detyrë pergjegjes ndërrese pranë Doganës Morinë, i dyshuar për kryerjen e veprës penale të “Shpërdorimit të detyrës”, parashikuar nga neni 248 i Kodit Penal.
3- Afrim Jonuzi, 39 vjeç banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”, parashikuar nga neni 248 i Kodit Penal.
4-Resmi Fejzo, 62 vjeç, lindur në Kukës dhe banues në Tiranë, me detyrë doganier pranë Doganës Morinë, i dyshuar per kryerjen e veprës penale të “Shpërdorimit të detyrës”.
5-Elson Basha, 37 vjeç, banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
6- Kasem Maksuti, 51 vjeç, banues në Kukës, me detyrë punonjës pranë SPK Morinë, i dyshuar per kryerjen e veprës penale të “Shpërdorimit të detyrës”, pasi:
Duke qenë në detyrë nuk kanë kryer veprimet doganore ndaj mjetit me targa “AA 169 CG”, në pronësi të shtetasit N. F. i cili ishte i ngarkuar me një sasi prej 226 bidona të mbushur me lëng, i dyshuar si ujë për bateri ( gjithsej 5 650 kg), automjet që dyshohet se ka kaluar kontrabandë nëpermjet doganës Morinë.
Gjithashtu u bë shpallja në kërkim dhe po punohet për kapjen e shtetasve :
1-D.E, 29 vjeç, banues në Kukës, doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
2-N.F, 28 vjeç, banues në Kukës, i dyshuar për kryerjen e veprës penale të “Kontrabandës ”, parashikuar nga neni 174 i K.Penal.
3-S.B, 56 vjeç, banues në Kukës, i dyshuar për kryerjen e veprës penale të “Kontrabandës ”.
4- G.Sh, 28 vjeç, banues Kukës, i dyshuar për kryerjen e veprës penale të “Kontrabandës ”.
Materialet për veprime të mëtejshme i kaluan Prokurorisë së Rrethit Gjyqësor Kukës.