Kumaku ose kalendula (Calendula officinalis) vepron në mënyrë anti-inflamatore dhe promovon shërimin e lëkurës së dëmtuar, ndërsa kremat nga kumaku aplikohen gjerësisht te lëkura e plasaritur, mavijosjet, ënjtjet, ndrydhjet dhe lëndimet tjera, si dhe venat me variçe dhe hemorroide. Çaji nga kumaku është i shkëlqyeshëm në trajtimin e sistemit urinar dhe zbutjen e dhembjeve menstruale, përdoret edhe te problemet e mëlçisë.
Është zbuluar se kjo bimë ka aftësinë për të pastruar enët e gjakut, relakson ato dhe rrit lumen, si dhe zvogëlon nivelin e kolesterolit në gjak, sidomos në kombinim me luleradhiqe ose resnikun. Hulumtimet e fundit kanë treguar se kumaku ul presionin e gjakut dhe vepron si qetësues pasi relakson enët e gjakut dhe rrit lumenin, dhe është i rekomanduar te angina pectoris.
Kumaku është një antispazmatik i mirë bimor (zbut ngërçet). Ky tipar ka disa implikime në trup: largon ngërçet e mitrës dhe njëkohësisht e forcon atë, duke çuar në lehtësimin e dhembjeve menstruale. Gjithashtu, heq spazmat e rrugëve të frymëmarrjes, andaj është e dobishme te astma.
Në sajë të përmbajtjes së provitaminës A, kumaku ka një efekt pozitiv në sy dhe përmirëson të pamurit. Për këtë qëllim, kumaku përdoret si brenda ashtu edhe jashtë. Me qesen sterile të çajit të kumakut lagen sytë me konjuktivit dhe acarim në sy.
Kumaku ka efekt të jashtëzakonshëm edhe në lëkurë. Përdoret për të trajtuar djegiet, plagët dhe ngrirjet. Për shkak të pranisë së provitaminit A, është e dobishme te psoriaza. Në mjekësinë popullore, nga kjo bimë përgatiten ilaçe të shumta kundër impetigos, ekzemës së lagësht dhe të thatë dhe peruti dhe është provuar të jetë mjet jashtëzakonisht efektiv kundër kërpudhave, sidomos Candida. Prandaj, kumaku ndihmon pothuajse tek të gjitha sëmundjet, papastërtitë, plagët dhe kushtet jo të shëndosha të lëkurës dhe sëmundjet e limfatike.
tesheshi.com/d.i.
