“Programi i Ministrisë së Kulturës “Rrugët e Besimit” sjell këtë verë 8 destinacione të reja turistike të objekteve të kultit, me histori dhe vlera të veçanta, ndërsa janë hapur 10 kantiere të reja restaurimi në trashëgimi, jo vetëm për ti shpëtuar si trashëgimi kulturore, por edhe për ti kthyer në itinerare turistike. Detyra jonë është të krijojmë itinerare dhe ti bëjmë të vizitueshme”- shprehet Ministrja Kumbaro në këtë sezon të verës 2018.
Ministria e Kulturës gjendet e gatshme për të pritur ‘mysafirët’ e verës. Për periudhën janar- qershor 2018 numri i vizitorëve në muze, kala, parqe arkeologjike është shënuar me 378, 571 vizitorë, në një rritje prej 41% në krahasim me të njëjtën periudhë të vitit të kaluar.
Itineraret e reja turistike të objekteve të kultit që i shtohen ofertës turistike 2018 janë:
-Kisha “Fjetja e Shën Mërisë”, Labovë e Kryqit;
-Kisha e Kosinës , Kosinë, Përmet;
-Kisha e Sopikut, Pogon;
-Kisha e Shën Kollit, Voskopojë;
-Kisha e Shën Mërisë, Voskopojë;
-Kisha e Shën Ilias, Voskopojë;
-Manastiri i Shën Prodhomit, Voskopojë;
– Kisha e Shën Spiridhonit, Vuno, Himarë;
– Kisha “Shën Thanasi” Karavasta, Lushnjë;
Gjithashtu është në proces zbatimi “Rikualifikimi Urban dhe Restaurimi i objekteve në Qendrën Historike dhe Zonën e Mbrojtur në fshatrat Dhërmi dhe Vuno, përkatësisht: 252 objekte në fshatin Dhërmi dhe 182 objekte në Vuno.
“Programi i nisur pesë vjet më parë po i jep frytet e veta. Sitet e trashëgimisë nuk janë natura të qeta, synimi ka qenë të ruhen, të mirëmbahen, por edhe të shfrytëzohen për t’u kthyer në site të ‘jetuara’ artistikisht. Kemi një boom turistësh, ende në mes të sezonit turistik”- thotë ministrja Kumbaro .
Kalendari turistik veror 2018, hartuar nga Ministria e Kulturës, në bashkëpunim në bashkëpunim me institucionet artistike në vend, TKOBAKKVP, Teatri i Kukullave, Cirku Kombëtar, AQSHF dhe skenën e pavarur, bën bashkë trashëgiminë dhe kulturën, me gjithëpërfshirje nga Jugu në Veri, duke i kthyer skenat e hapuara të trashëgimisë dhe sheshet e qyteteve në skena artistike, në një komunikim të gjallë me publikun. Kalendari përfshin rreth 70 shfaqje në zonat bregdetare nga Velipoja në Dhërmi, nga Shëngjini në Korçë, nga Shkodra në Ksamil.
Festivalet e javës që vjen, që nuk duhen humbur:
-Festivali MULTIKULTUROR , Berat 19-21 korrik
-AKKVP me premierën ‘Sokaku i të Marrëve’ Gjirokastër, 18-21korrik
– ZÂ FEST Theth, 20-22 korrik
-KORÇA International Short Film Festival, 17-21 korrik
-MIK Festival, Korçë, 25-29 korrik
-Vera Kulturore Maqedonase, Liqenas, 25-30 korrik
Me shume info gjeni ne :
http://www.kultura.gov.al/al/programi/kalendari-i-aktiviteteve-kulturore-2018
