Çiftet e 1/8-ve janë përcaktuar mbrëmë pas përfundimit të ndeshjeve të grupit E, duke ofruar përballjet intriguese midis Italisë e Spanjës, Kroacisë e Portugalisë, por edhe Francës e Irlandës.
Edhe pse e pakta dy nga pretendentët do të largohen me siguri pas përfundimit të Itali-Spanjë e Kroaci-Portugali, çerekfinalet përsëri mund të ofrojnë përplasje të mëdha. Duke konsideruar se Gjermania do të kalojë Sllovakinë, në çerekfinale pritet një tjetër klasike evropiane, me Italinë ose Spanjën, ndërsa Franca mund të ndeshet me Anglinë. Ndërkohë, vetëm një skuadër nga Gjermania, Italia, Spanja, Franca e Anglia mund të dalë në finale, pasi këto janë të gjitha në rrugën e njëra-tjetrës dhe, në rast se secila ecën, në gjysmëfinale do të ndeshet me një tjetër nga këta emra.
Në anën tjetër të shortit, edhe pse pa madhështinë e emrave të sipërpërmendur, në gjysmëfinalen e parë mund të ketë përballje spektakolare midis Belgjikës, Uellsit, Kroacisë apo Portugalisë.
Ja kalendari:
Raundi 1/8
25 qershor
(1) 15:00 Zvicër-Poloni
(2) 18:00 Uells-Irlanda e Veriut
(3) 21:00 Kroaci-Portugali
26 qershor
(4) 15:00 Francë-Irlandë
(5) 18:00 Gjermani-Sllovaki
(6) 21:00 Hungari-Belgjikë
27 qershor
(7) 18:00 Itali-Spanjë
(8) 21:00 Angli-Islandë
Çerekfinalet
30 qershor
(1) 21:00 Fituesi 1-Fituesi 3
1 korrik
(2) 21:00 Fituesi 2-Fituesi 6
2 korrik
(3) 21:00 Fituesi 5-Fituesi 7
3 korrik
(4) 21:00 Fituesi 4-Fituesi 8
Gjysmëfinalet
6 korrik
21:00 Çerekfinalisti 1-Çerekfinalisti 2
7 korrik
21:00 Çerekfinalisti 3-Çerekfinalisti 4
Finalja
10 korrik
21:00 Fituesi 1-Fituesi 2
D.I.
