Nëpërmjet një statusi nga profili i tij në Facebook, deputeti i PD-së, Kastriot Islami ka dhënë hollësira dhe detaje se sa shtrenjtë i shkon qeverisë shqiptare mbajtja e makinave luksoze të tipit “Jaguar”.
Duke sqaruar koston e shtrenjtë të këtyre automjeteve, Islami shkruan se qeveria me negociata mund të gjejë edhe oferta të tjera më të mira.
“Thjesht për kuriozitetin tuaj…po ju jap një adresë ku mund të gjeni çmimet e blerjes dhe me qera (lease) për një makine luksi të 2016-s ‘Jaguar XJ SEDAN’. Beni vetë llogaritë për 29 makina që po blen Qeveria. Shikoni se çfarë del nga kjo ofertë në internet (ndërkohe që qeveria me negociata mund të gjejë edhe oferta të tjera më të mira)…Dhe bëni krahasimet.
Shënim: Qeveria i ka makinat aktuale që funksionojnë dhe ndërkohë që situata financiare është e pakënaqshme duket paksa kontradiktore blerja e makinave të luksit që kushtojnë rreth 75 mijë dollarë…”, ka shkruar Islami në “Facebook”.
