Zëvendësministrja e Arsimit të Lartë e qeverisë së kryeministres Giorgia Meloni, Augusta Montaruli ka dorëzuar sot aktin e dorëheqjes së saj.
Montarulli i përket partisë Adelfia të Italisë dhe u dënua për përdorim të paligjshëm të fondeve të pushtetit vendor. Sipas drejtësisë italiane, Montarulli kishte përdorur paratë publike për blerjen e rrobave të shtrenjta, çantave dhe një libri me këshilla për jetën personale dhe seksuale.
Ajo këmbëngul se është e pafajshme, e se nuk ka dëmtuar fondet publike dhe shtoi se do të ankohet në Gjykatën e Drejtësisë së Bashkimit Evropian. Kjo është dorëheqja e parë e një anëtari të qeverisë së Melonit, që nga krijimi i saj tetorin e kaluar./m.j
