Ende nuk është i sigurte nëse ylli i Zenitit, Axel Witsel do të transferohet te Juventusi gjatë afatit kalimtar të Janarit. Këtë e ka konfirmuar edhe drejtori i përgjithshëm i Juventusit, Giuseppe Marotta.
“Është e vështirë të imagjinohet shumë se çfarë do të ndodh në janar, pasi është e vështirë për të gjetur një lojtar i cilët mund të vijnë dhe të rrisë cilësinë e një grupi të tillë siç është i yni në këtë pikë të sezonit”, ka thënë Marotta për faqen zyrtare të klubit.
“Nuk ka asnjë lajm në lidhje me Witsel. Ai është një lojtar i mirë, le të presim dhe të shohim se çfarë ndodh”, ka theksuar Marotta, i cili ka konfirmuar se Juventusi është duke e vëzhguar edhe dyshen e Atalantas, Mattia Caldara dhe Roberto Gagliardini. /a.m.
