Juventus ka arritur marrëveshjen me Bayern Munih për mbrojtësin Mehdi Benatia. Marokeni ka kaluar dy vite jo të mirë në Allianz Arena për shkak të dëmtimeve, ndërkohë që ardhja e Matts Hummels ia mbyll hapësirat, ndaj kërkonte transferimin në një kampionat që e njeh mirë. Që prej një muaji, klubi kampion i Italisë e kishte gjetur gjuhën e përbashkët me lojtarin, ndërsa sot është arritur akordi edhe me kampionët e Gjermanisë.
Sky Sport raporton se marrëvesha është arritur mbi bazën e huazimit me detyrim blerjeje për 18 milionë euro, plus 2 milionë bonuse. Tani pritet vetëm zyrtarizimi nga ana e palëve të interesuara.
