Reshjet intensive të dëborës kanë prekur gjithë qarkun juglindor të vendit. Trashësia maksimale ka arritur ne Dardhë me 20 cm ndërsa në Voskopojë 10 cm.
Në pjesën tjetër të qarkut ka arritur deri në 5 cm. Aktualisht më problematike paraqitet situata në Dardhë, ku intensiteti i reshjeve është tepër i lartë dhe rruga kalohet me zinxhirë me vështirësi.
Pavarësisht se mjetet borëpastruese janë duke punuar dhe është bërë kriposja e rrugës, reshjet e shumta vështirësojnë situatën.
Pritet që reshjet të vazhdojnë në 24 orët e ardhshme. Sipas instancave këshillohet që të shmanget lëvizja në segmentet rrugore të juglindjes së vendit. Apel për drejtuesit e mjeteve të jenë të pajisur me zinxhirë. (Dita)
