Hid Rajab, një vajzë palestineze gjashtë vjeçare e zhdukur për gati dy javë mes përleshjeve në qytetin e Gazës, është gjetur e vdekur nga të afërmit, thanë sot Hamasi dhe familja e saj, duke fajësuar forcat izraelite për vdekjen e saj.
“Hid dhe të gjithë në makinë u vranë”, tha gjyshi i Baha Hamada për AFP. “Ata u zbuluan nga anëtarët e familjes (tonë) të cilët po kërkonin makinën dhe e gjetën pranë pikës së karburantit”, një zonë që deri atëherë ishte e paarritshme për shkak të pranisë së ushtrisë izraelite, shpjegoi ai. “Hid Rajab u vra nga forcat pushtuese (izraelite) së bashku me të gjithë ata që ishin me të në makinë”, tha në një deklaratë ministria e shëndetësisë e Hamasit.
Duke folur në telefon vajza e vogël kërkoi që ta shpëtoni atë: Ju lutem më shpëtoni, të gjithë të tjerët janë në gjumë.
Madje vajza tregoi se pranë makinës, ndodhej në tank drejtuar drejt saj. Menjëherë u dërgua një ambulancë për të gjetur vajzën dhe për ta sjellë shëndoshë e mirë në shtëpi, por rezultoi në humbjen e kontakteve edhe me stafin e ambulancës. Që prej dy javësh deri më sot nuk u dëgjua më gjë për ta, ndërkohë që nëna e saj tregon se sa herë që dëgjonte sirenat e ambulancave, mendonte se vajza e tij po kthehej në shtëpi.
Ushtria izraelite nuk iu përgjigj pyetjeve të AFP-së në lidhje me të shtënat në një automjet plot me civilë apo fatin e të zhdukurve.
/f.s
