Ju kam killera për qejfi ju, xhihadistët e Albin Kurtit

Nga Kimete Berisha

Hey, Killa…

Ju kam killera për qejfi! Nuk ju ndërroj me asnjë killer!

Ju, xhihadistët e Albin Kurtit, që do të flijoheni në rrugën e profetit, që nuk ia lejoni shqiptari e amerikani të gjallë t’ia përmend emrin për të keq zotit tuaj.

Zoti juaj me kravatë të zezë duket sikur e udhëheq funaralin (e jo qeverinë), e Kosova nën udhëheqjen e tij duket si varrezë.

Sepse, kravata e zezë (përveç në funerale) përdoret veç pas orës 7 të mbrëmjes dhe veç në Opera (tragjike), e Kosova folklorike dhe provinciale për mashallah, duket si një dashuri e ndaluar e “Madam Butterfly”,

si një sofër pa bukë në “La Bohéme”!

Nuk i kam lexuar (nuk lexoj primitiva…si dikush që e zgjedh ushqimin e barkut, unë jam vesvese, e zgjedh me shumë mendjemadhësi ushqimin e mendjes dhe të shpirtit).

Por, nana që i ka lexuar xhihadistët e Albin Kurtit, më ka treguar shkurt çka thonë për mua, bijtë dhe bijat e profetit Kurti, bekimi dhe paqja e Allahut qoftë me ose mbi të.

Bile ajo tha, ‘qysh për një pite harrohen 100

laknorë’, demek qysh m’i harruan 100

shkrime ‘të mira’ për një shkrim të ‘keq’.

E sheh pra, nanë, se si e keqja e mund të mirën!

Profetët e urrejnë poezinë, e urrejnë humorin, ironinë dhe cinizmin, prandaj xhihadistët e Albin Kurtit m’u kanë gju’ mua, se jam e ëmbël!

Ka qenë një kushëri i Ban Ki-moon-it (s’di a është ende gjallë), që mendonte se është i dërguari i Zotit në Korenë e Veriut.

E ka shkruar një Fe dhe në ‘Divine Principle’ e tij ka konstatuar se ‘Zoti në tokë e ka dërguar një person për t’i zgjedhur krejt problemet fondamentale dhe njerëzore në tokë.

Ai njeri jam unë – Sun Myung Moon’

(kqyra, nuk ish gjallë).

Edhe të dërguarit e Zotit-vdesin, si  nerëz.

Veç Zoti që është më i ‘vjetri’, mbetet gjithmonë i Ri!

‘Kompleksi i Zotit’ është, haj medet haj…bindje e palëkundur se je i aftë, i privilegjuar dhe i pagabuar.

Personi që vuan nga ‘kompleksi i Zoti’ nuk ka kapacitet t’i pranojë gabimet e tij, pavarësisht fakteve, pavarësisht realitetit.

Është çrregullim mendor të mendosh se je Zot…çrregullim mendor i narcisistëve.

Kompleks superioriteti.

A ka shërim?

Po more, qysh s’ka!

Xhihadistja e Albin Kurtit, më quan:

1. Kurvë.
2. Magjupe.
3. Lahpericë.
4. Kudër.
5. Me qenë ti intelektuale nuk ishe dukur seksi.

Xhihadisti i Albin Kurtit më shan dhe më kërcënon:

1. Ta q. nanën.
2. Kam me t’vra.
3. Veç mos n’xafsha.
4. Prostitutë.
5. Bira e minit treqind qese.

Feja është dashuri.

Dashnorët e Albin Kurtit janë budallenj.

Dashuria nuk është budallaqe, prandaj ajo dashuri që tingëllon çuditshëm dhe frikshëm, është dashuri e sëmurë.

E, dashuria e sëmurë s’ka shërim!

Sapo të ç’magjepsen me profetin, dashnorët budallenj do ta lypin një Profet tjetër!

P.S. Tregoni Profetit se më me zor shkruhet komedia sesa drama.

Më me zor i bën njerëzit të qeshin sesa të qajnë.

Ju e mbroni Albinin prej meje, veç nëse mendoni se jam më ‘e fortë’ se Ai.

Përndryshe, është ‘e dhimbshme’ (për ju), të mbrohet me ‘ushtarë killa’ Kryeministri më i votuar në historinë e Kosovës…të mbrohet prej një femre të “vetmuar”, me fustan të kuq!

Megjithatë, ju kërcënoni, mos ia lëni rastit, se femres nuk i besohet, nuk i dihet ‘kush jam unë’ 😂!