Kompania më e madhe e kërkimit online në botë, Google, ka filluar që të ndërtojë një funksion të ri për të gjithë ata që tashmë e njohin dhe e duan teknologjinë. Edhe më shumë ky aplikacion është i nevojshëm pë rata që celularin nuk e kanë thjesht një mjet komunikimi apo aparat fotografik. Për të gjithë ata që brenda celularit kanë axhendën, kontaktet apo edhe dokumente me vlerë, Google ofron zgjidhje edhe kur ky mjet tashmë i rëndësishëm në jetën tonë, na humbet.
Aplikacioni më i ri i Google i lejon përdoruesit të gjejnë telefonat e tyre të humbur, sa herë që ata janë të lidhur me internetin. Thjesht shtypni “gjej telefonin tim” në motorin e kërkimit në Google, dhe ai do t’ju tregojë vendndodhjen e celularit në një hartë, duke i lejuar përdoruesit të telefonojnë në mënyrë që telefoni të mund të gjendet.
Ky lloj aplikacioni mund të gjendet nëse keni versionin e fundit të Google në telefon, por edhe përmes internetit nga kompjuteri. Google ju ndihmon që t’i telefononi telefonit tuaj, ose mund ta shihni në një hartë, nëse telefonin e keni harruar në një lokal. Por, më parë mos harroni të regjistroni të dhënat tuaja në këtë aplikacion të ri.
