Sekretari amerikan i Shtetit, John Kerry, do ta vizitojë Turqinë më 24 gusht, pas më shumë se një muaji nga puçi i dështuar ushtarak që dridhi anëtarin e NATO’s.
Lajmi është bërë i ditur sot nga ministri i jashtëm turk, Mevlut Cavusoglu, gjatë një interviste me transmetuesin turk TGRT Haber, përcjell Express.
Tentim puçi, për të cilin presidenti turk, Tayyip Erdogan, e fajëson klerikun që jeton në ShBA, Fethullah Gulen, i ka tensionuar marrëdhëniet e Ankarasë me Uashingtonin.
Erdogani ka bërë thirrje për ekstradimin e Gulen, i cili mohon përfshirjen në puç. (b.an)
