Folezimi i flamingove në Lagunën e Nartës, dukuri e shfaqur për herë të parë këtë vit, shihet nga ekspertët si një moment shumë i rëndësishëm për biodiversitetin e zonës. Por ata ngrenë shqetësimin se pakujdesia njerëzore mund t’i largojë sërish.
Jo më vetëm një stacion migrimi, por flamingot po gjejnë në Lagunën e Nartës në Vlorë habitat për fole.
“Narta në vetvete është e rëndësishme për popullatën folezuese të shpendëve. Kjo është shumë e rëndësishme për pasurinë biologjike, pasi shton numrin e llojeve folezuese duke pasuruar edhe lagunën,” thotë Vorpsi.
Eksperti shpjegon arsyet përse ky shpend i veçantë është stacionuar për t’u shumuar në Nartë.
“Edhe më parë, flamingot kanë tentuar të folezojnë në Nartë, por asnjëherë nuk është vërtetuar folezimi i tyre. Flamingot tentojnë disa vite me radhë derisa arrijnë të folezojnë. Çelja e vezëve duhet të paktën 27 ditë,” -vijon Vorpsi.
Por, Vorpsi ngre shqetësimin se pakujdesia njerëzore mund të çojë në largimin e kolonisë së flamingove.
“Shqetësim mbeten dronët, por sidomos aeroporti. Gjatë fluturimit testues flamingot u larguan për disa orë. Nëse do të ketë qindra fluturime, flamingot do e kenë të vështirë folezimin. Turistët apo kushdo duhet t’i vëzhgojë nga larg, pasi ekziston frika e largimit të kolonive të flamingove dhe braktisjes së vezëve të tyre”, tha Vorpsi.
Përmes folezimit të tyre në Nartë, shpendi kontribuon në riprodhimin dhe qëndrueshmërinë e kësaj specieje në Shqipëri dhe Evropë. Sipas ekspertëve, numri i flamingove të stacionuar në vendin tonë është më i larti në Ballkan.
Tradicionalisht, këto shpendë, flamingot apo lejlekët krahëkuq – siç edhe u thonë, tradicionalisht nuk janë shpendë të vëndit tonë.
Nga ndryshimi i klimës së kësajë bote, nga ngritja e temperaturave, siç duket, flamingove, u ka pëlqyer habitati i Zvërnecit me që ka edhe kripshmëri të lartë, prandaj edhe janë stacionuar aty, dhe kjo është një gjë shumë e mirë.
Por kjo gjë, nuk do të thotë që të lëmë aeroportin e të mirëpresim flamingot.
Ato janë të mirëpritura kurdoherë, por nuk mund të imponohet askushi apo kërkushi duke kushtezuar aeroportin për flamingot. ËSHTË MIOPI, ËSHTË DONKISHOTIZËM, ËSHTË ÇMËNDURI, të mendosh të ngreshë të tilla pikpamje, për të minuar sado pak, mirë funksionimin e aeroportit të Vlorës, që do të zhvillojë e përparojë Shqipërinë, duke lënë pas krahëve periudhën “dru me pre” të këtijë populli.