Gjatë interpelancës me ministrin e Bujqësisë Niko Peleshi, kryetari i Komisionit të Ekonomisë, Erion Braçe ka denoncuar dy kontrata të lidhura nga ish-ministri i Bujqësisë, Edmond Panariti me familjarë të Klement Balilit.
Braçe ka bërë publike dy kontratat e lidhura mes ministrisë së Bujqësisë dhe kompanive të familjes Balili në vitin 2016, kur ky dikaster drejtohej nga ministri i LSI, Edmond Panariti.
Sipas Braçes kjo është një qokë e pastër kriminale dhe korruptive e LSI, pasi kontratat janë lidhur pasi Klement Balili ishte shpallur në kërkim nga policia për trafik ndërkombëtar droge.
“Unë nuk di të bëj teatër Lulzim Basha e Monika Kryemadhi. LSI ka lidhur kontrat toke me familjarët e Balilit pasi ai ishte shpallur në kërkim për trafik droge. Kjo është një qokë e pastër kriminale dhe korruptive e LSI, pasi kontratat janë lidhur pasi Klement Balili ishte shpallur në kërkim nga policia për trafik ndërkombëtar droge”,- u shpreh Braçe në Parlament.
Lidhja midis Balilit dhe LSI është e njohur edhe më parë. Ilir Meta ishte i pranishëm në inagurimin e restortit të “Santa Quaranta”-s, si I ftuar nderi, ndërsa kushëriri i tyre, Rigers Balili, është aktualisht kryetar I Bashkisë së Delvinës, ku konkurroi nën siglën e LSI.
Megjithatë, një investigim i “Lexo.al” ka zbuluar një lidhje të dytë, midis personit më të kërkuar në Shqipëri dhe kreut aktual të opozitës, Lulzim Bashës.
Sipas dokumentave të siguruara prej nesh, në qershor 2010, në kohën kur Lulzim Basha ishte ministër i Brendshëm, ai urdhëroi që ish-kampi i punëtorëve dhe pionerëve në Sarandë t’i hiqej nga pronësia sindikatës, për t’iu dhuruar Balilit.
Dokumentat tregojnë se në mbledhjen e Këshillit të Ministrave të datës 2 qershor 2010 u miratua inventari i 145 pronave të sindikatave, të cilat u shtetëzuan për t’u shpërndanë më pas nga qeveria e mëparshme në mënyrë klienteliste. Ky inventarizim ishte urdhëruar nga ministri i Brendshëm Basha, në 1 shkurt të atij viti, me urdhërin numër 27.
Në bazë të programit të punës të hartuar sipas Urdhërit nr.27. datë 1.02.2010 të Ministrit të Brendshëm, Lulzim Basha u krye inventarizimi i pasurive të sindikatave në Republikën e Shqipërisë, duke u hapur rrugë shtetëzimit të të gjithë këtyre pronave.
Ish-kampet e punëtorëve iu kaluan sindikatave me vendim të qeverisë në vitin 1992, por në 2010-n, ato u bënë pjesë e një prej aferave më të mëdha të qeverisë së mëparshme, që shtetëzoi këto prona për interes të saj, pa dëmshpërblim, për t’i rishpërndarë pastaj për miqtë ose ofertuesin më të mirë.
Ekstrakti i mëposhtëm është pjesë nga ai dokument, me firmën të Lulzim Bashës, që i hapi rrugën e kalimit të ish-kampit të punëtorëve në pronësi të Balilit. /LEXO.AL
Propozimi mban firmën e vetë Lulzim Bashës.
Dokumenti i plotë i gjendur në linkun: http://arkiva.km.gov.al/?fq=brenda&m=news&lid=13225
