E drejta për të zgjedhur përfaqësuesit e tyre në Kuvendin e Republikës u ushtrua edhe nga të dënuarit me burg dhe të paraburgosurit.
Gazetari i “Panorama”-s, Armand Bajrami, ndoqi sot procesin e votimit në ambientet e paraburgimit “Mine Peza” në kryeqytet, i njohur edhe si paraburgimi nr. 302. Pjesë e listës me 178 votues në këtë institucion të izoluar ishin edhe disa të burgosur “Vip”.
Mësohet se mes të dënuarve vip që kanë votuar janëi: Ish-deputeti, Mark Frroku, i dënuar me 7.5 vjet burg nga Gjykata e Shkallës së Parë.
Ermal Hoxha, nipi i diktatorit Enver Hoxha, i akuzuar si pjesë e një grupi kriminal të përpunimit dhe trafikimit të kokainës. Javën e kaluar Prokuroria për Krimet e Rënda kërkoi dënimin e tij me 13 vjet burg.
Neim Avdylaj, ish-komando dhe Fatjon Xhyliu, ish-punonjës i policisë private, të dyshuar si të përfshirë në grabitjen e 3.2 milionë eurove në blindin e një banke të nivelit të dytë në rrugën e Rinasit./Panorama
