Bekim Llazani, djali 15-vjeçar i ish-drejtoreshës së Shtëpisë së Fëmijës në Shkodër, Albana Llazani, është ndër të akuzuarit për skandalin seksual. Ai është përmendur nga njëra prej vajzave për një abuzim të ndodhur në Razmë, gjatë një ekskursioni.
Por mjeku psikiatër pranë Qëndrës Komunitare të Shëndetit Mendor në Shkodër, Gjon Preçi, thotë se e njeh këtë fëmijë dhe ai rezulton i prekur nga autizmi dhe sipas tij persona të tillë nuk janë në gjendje të kryejnë një akt të tillë. Ai thotë se më 20 nëntor 2013 ka lëshuar raport–mjeko ligjor për Llazanin.
Preçi thotë se ka patur rastin t’i njohë fëmijët e jetimores në fjalë pasi shpeshherë kishin kërkuar shërbim për të marrë mjekim. Sipas tij, një pjesë e tyre kanë patologji me zhvillimin mendor.
Skandali në shtëpinë e fëmijës në Shkodër u kontatua nga hetimet e prokurorisë, pas denoncimit të bërë nga Avokati i Popullit referuar dëshmive të vete të miturave. Tri prej tyre rezultuan se ishin abuzuar seksualisht dhe ndaj tyre ishte ushtruar dhunë që i tejkalon kufijtë njerëzore nga fëmijë më të mëdhenj në qendër, por dhe nga punonjës.
Pesë punonjëse të kësaj jetimoreje tashmë ndodhen në burg me akuzën e “Shpërdorimit të Detyrës” dhe “keqtrajtim të të Miturve”.
BW/d.i.
