Një 26-vjeçar shqiptar u arrestua nga policia italiane në zonën Borghesiana në Romë, pasi u kap në banesën e tij me 70 kilogramë marijuanë.
Mediat italiane raportojnë se shqiptari, identiteti i të cilit nuk bëhet i ditur e kishte fshehur lëndën narkotike në dyshek.
Shqiptari, i cili ishte i papunë jetonte në rrugën Nuragus.
Pas kontrollit në banesë 26-vjeçarit iu gjet sasia e drogës, të cilën e kishte fshehur në qese plastike. Sasia e lëndës narkotike u sekuestrua, ndërsa shqiptari u dërgua në burgun Regina Coeli.
