Enki Braçaj, ish-spikerja e Zjarr TV, që jepte lajmet me dekoltenë e hapur, ka folur për këtë eksperiencë.
“Dalja me atë veshje ishte një risi për shikueshmëri. Në fillim, unë nuk mendova se do bënte aq shumë bujë, thashë: Po hë, se në internet do dalë, nuk do shikohet, por ndodhi ndryshe, u bë shumë e madhe.
Nuk e mendova që për mua do flisnin mediat botërore si Daily Mail apo Mirror”, tha Enki për emisionin e rudina Magjistarit.
Enki ka treguar se pas daljes së parë, reagimi që kishin bërë të gjithë ata që e njihnin, duke nisur që tek mamaja e saj, ishte “ti s’je mirë”, prandaj kishte dashur ta linte punën ditën e dytë.
“Para se të merrja këtë vendim për të qenë spikere, i thashë mamit: Shiko, do jap lajmet, por do jem pak e zbërthyer, por ajo nuk e mendoi ashtu.
Kur më pa për herë të parë, më tha: Ti nuk je mirë. Ditën e dytë, kërkova të lë punën, sepse ishte shumë paragjykuese. Nuk pendohem për atë që kam bërë, por nuk e di nëse do ta bëja sërish”, ka treguar ajo.
Enki ka zbuluar gjithashtu se ka pasur oferta të shumta, një prej të cilave ishte nga “Play Boy” gjerman, por e ka refuzuar pasi nuk kishin rënë për dokrd pagesën.
“Nuk ramë dakord për pagesën, sepse më ofruan 30 mijë euro dhe unë kërkoja 100 mijë euro. Të paktën të blija një shtëpi dhe një makinë. Jam penduar për shumë oferta. Por, një problem shëndetësor të një prej familjarëve të mi m’i ka shtyrë gjërat”, tha ajo.
