Në premierën botërore të filmit më të ri të James Bondit “Spectre” kanë qenë prezent shumë yje të aktrimit dhe muzikës, por nuk munguan as familja Mbretërore.
Duka dhe dukesha e Kembrexhit dhe Prince Harry u pritën nga regjisori Sam Mendes dhe producentët Barbara Broccoli dhe Michael G. Wilson, në prag të premierës botërore të “Spectre” në “Royal Albert Hall”, shkruan BBC.
Daniel Craig, i cili që një dekadë luan rolin e agjentit 007, ishte njeriu i parë që kishte arritur në tepihun e kuq në mbrëmjen e së hënës, transmeton Koha.net. Ai me këtë rast ka thënë për BBC se ky film i ka ndërruar jetën. “Më ka ndryshuar jetën dhe më ka pëlqyer çdo sekondë i tij”, ka thënë Craig.
Në qilimin e kuq shkëlqyen edhe pjesa tjetër e kastit të aktorëve Naomie Harris, Christoph Waltz, Ben Whishaw, Ralph Fiennes, Andrew Scott, Dave Bautista dhe “vajzat e Bondit” Lea Seydoux dhe Monica Bellucci.
