Kryetari i Bashkisë së Matit, Agron Malaj ka paraqitur sot dorëheqjen nga detyra që mban, teksa nesër mblidhet Këshilli Bashkiak për miratimin e saj.
Malaj ka qenë një nga emrat potencialë për listën e kandidatëve për deputetë të Partisë Socialiste në zgjedhjet e 11 majit.
Mbledhja do të zhillohet nesër (12 mars) në orën 10:00 në bashkinë e Matit dhe do të ketë në rend të ditës “miratimin e kërkesës për dorëheqje të Malajt” dhe “zgjedhjen e nënkryetarit të bashkisë për vijimin e detyrave”.
Pasi u largua në vitin 2013 nga Garda e Republikës, Malaj nisi karrierë politike, pasi u bë pjesë e Partisë Socialiste.
Më vonë ai u emërua kryetar i Partisë Socialiste për Matin dhe në të njëjtën kohë mori edhe detyrën e drejtorit të OSHEE-së për këtë rreth. Në fushatën e zgjedhjeve lokale të 23 qershorit 2015 doli në krah të kryeministrit Edi Rama për të kërkuar votat për kandidaten socialiste. Prej vitit 2019 mban detyrën si kryebashkiak i Matit në dy mandate.
