Eksperti i Zvicrës për anti-korrupsion, Mark Pieth, i ka thënë BBC-së se ka dhënë dorëheqje nga komisioni “Panama Papers” për shkak të ndërhyrjeve së qeverisë.
Pieth tha se zyrtarët i kanë thënë atij se ata do të thonë fjalën e fundit nëse do të publikohen ose jo gjetjet e panelit rreth skandalit të evazionit fiskal.
Dorëheqje nga komisioni ka dhënë edhe Joseph Stiglitz, ekonomist dhe fitues i çmimit Nobel.
Paneli nga shtatë persona u krijua nga qeveria e Panamasë në prill të vitit 2016 për të përmirësuar transparencën.
Duke folur në programin NeësHour BBC-së, Pieth tha se kishte marrë një letër nga autoritetet e Panamasë ku thuhet se ata do të thonë fjalën e fundit nëse do të publikohet raporti i panelit.
“Na thanë se ata do të vendosin nëse raporti do të publikohet ose jo”, tha Pieth.
Stiglitz i tha gjithashtu agjencisë së lajmeve Reuters se ka frikë se raporti final i panelit nuk do të publikohet.
Në një deklaratë, Ministria e Punëve të Jashtme të Panamasë tha është e angazhuar fuqishëm rreth transparencës dhe bashkëpunimit ndërkombëtar. “Panama Papers “ u krijua nga qindra gazetarë hulumtues, referon Koha. (b.an)
