Presidenti i Rusisë, Vladimir Putin bëri të ditur dje vendimin për mobizilimin e pjesshëm ushtarak të vendit në kuadër të luftës në Ukrainë.
Ndërsa ky urdhër duke se do të prekë 300 mijë rezervistë në Rusisë, elita do të gjejë mënyrë për të mos u ndikuar aspak.
Dmitry Nisovtsev i besuar i liderit opozitar rus Navlny, i telefonoi Nikolai Peskov, djalit të zëdhënësit të Putinit, Dmitry Peskov, gjatë një transmetimi live në kanalin Popular Politics në YouTube.
Nisovtsev hiqet sikur është një oficer rekrutimi rus- dhe Peskov ra në kurth. Gjatë telefonatës, ai e bëri të qartë se do të lëvizte fijet në Kremlin në mënyrë që të mos i bindet urdhrit të mobilizimit.
Oficeri i rremë i thotë Peskovit në telefon: “Zoti Peskov, ju kemi dërguar në mënyrë elektronike thirrjen për mobilizim, por nuk jeni përgjigjur ende. Nesër ju pres për raportim në zyrën ushtarake në orën 10:00”.
Djali i zëdhënësit të Kremlinit përgjigjet troç: “Sigurisht që nuk do jem aty në orën 10:00. Ju duhet ta kuptoni se unë jam zoti Peskov. Nuk është aspak e drejtë që unë të vij aty fare”.
Ai i shpjegon oficerit se në draftin e mobilizimit ka nuanca politike, duke theksuar se babai i tij nuk është vetëm zëdhënës i Putinit, por edhe nënkryetar i administratës së Kremlinit.
Djali i Peskov thotë se duhet të informohet më shumë fillimisht. “Duhet të kuptoj në përgjithësi se çfarë po ndodh dhe cilat janë të drejtat e mia. Ata që më thërrasin nesër, më besoni, as ju dhe as unë nuk kemi nevojë për këtë gjë”.
Por më pas ai kërkon që të mos hiqet nga listat e rekrutimit. Duke iu referuar despotit të Kremlinit, Vladimir Vladimirovic Putin, ai thotë: “Unë do të bëj atë që më thonë. Nëse e thotë Vladimir Vladimiroviçi që të shkoj atje, unë do të shkoj”.
Kjo telefonatë tregon se djemtë e elitës së Kremlinit nuk presin të dërgohen në vijën e parë- ndryshe nga qindra e mijëra rusë të tjerë të përulur që nuk do kenë mundësinë e përjashtimit.
Në teori, Peskov, si një ish-rekrut në forcat raketore bërthamore ruse, do të ishte kandidat kryesor për mobilizim. Dhe ndërsa shumë rusë janë të dëshpëruar për të shmangur rekrutimin, kjo nuk duket të jetë problem për udhëheqësit rusë në vend.
/f.s
