Kreu i Partisë Demokratike, Lulzim Basha, është ndalur sot në Ndroq ku është takuar nga afër me fërmerët e zonës.
Në një video live në mediat sociale, Basha u shpreh se do të takohet me fermerët dhe banorët e zonës për të dëgjuar problemet e tyre.
Basha në nisje të deklaratës së tij ngriti shqetësimin e rrugës së keqe, duke thënë se është një problem që banorët e hasin çdo ditë.
“Më është dashur të paktën dhjetë minuta për të ardhur nga rruga automobilistike këtu, sepse rruga është për faqe të zezë.
Këtu jemi me zonjën Nevrije, në një arë të mbjellë nga familja e saj, nga ajo dhe vajza e saj Ana.
E kanë mbjellë me domate, një nga domatet më të preferuara për të gjtihë shqiptarët, edhe për mua, që quhet zemërkau.
Është akoma jeshile siç e shikoni. E kanë mbjellë në mars dhe presin ta vjelin në korrik”, u shpreh Basha.
Më tej kreu i opozitës tha se do shkojë dhe në fshatra të tjerë dhe për të nuk ka asnjë suprizë, pozitive pasi “këtu si në çdo fshat tjetër në Shqipëri, situate paraqitet jashtëzakonisht e vështirë”.
“Nuk kanë marrë asnjë lloj mbështetje dhe për 7 vite më radhë, shumica e fermerëve as e kanë dëgjuar subvencionin, jo më ta marrin atë.
Nga ora 5 e mëngjesit kultivojnë prodhime sipas zonës dhe kur vjen puna nuk kanë asnjë garanci ta nxjerrin në treg apo të lajnë koston e prodhimit, jo më të punës.
E tillë është situate këtu në Kalaç të Ndroqit ku jemi maksimumi 3 km në vijë ajrore larg nga kryeqytetit”, tha Basha duke premtuar se kur të vijë ai në pushtet do ulë taksat për fermerët dhe do i ndihmojë me grante nga shteti.
g.kosovari
