Gjykata e Apelit Tiranë ka lënë në burg sanitaren e spitalit Covid 2, Tire Alldervishi.
Përmes avokates së saj, Alldervishi kishte kërkuar ndryshim të masës së sigurisë “arrest me burg” të dhënë nga gjykata e shkallës së parë.
Në kërkesën e saj për zbutjen e masës së sigurisë, aj pretendonte se ka qenë e prekur me Covid dhe se sipas saj nuk është negativizuar.
“Jam rrezik për të infektuar edhe të tjerët në burg”, thuhej në kerkesë.
Tire Alldervishi akuzohet për “mashtrim më shumë se një herë”.
Sanitarja, e cila prezantohej si infermiere, mashtroi familjaren e një pacienteje, duke i marrë lekët në këmbim të shërbimit që do i bënte të sëmurës.
Fatkeqësisht e sëmura, gjatë komunikimeve me vajzën e saj, i konfirmoi se për të nuk po kujdesej njeri dhe pas 28 ditësh e shtruar në spital ajo humbi jetën si pasojë e Covid 19.
Pas denoncimit në një emision televiziv, vajza e viktimës zbuloi se Tirja nuk ishte infermiere, por sanitare në spitalin Covid 2.
Alldervishi, arriti t’i merrte të resë rreth 8 milionë lekë të vjetra gjatë gjithë periudhës së qëndrimit të nënës së saj në spital, me justifikimin e një shërbimi më të mirë mjekësor.
/a.r
