Ish-kryeministri Sali Berisha u shpreh se Edi Rama mund ta zgjedhë presidentin e ri sepse votat i ka, sipas tij nga plaçkitja e zgjedhjeve të 25 prillit. Në një konferencë për shtyp me gazetarët, Berisha u pyet lidhur me bisedimet për kreun e ri të shtetit dhe theksoi se Rama edhe mund ta zgjedhë, por s’mund të implikojë opozitën aktuale në këtë proces.
Sakaq, ish-kryeministri tha se emri i tij ka filluar t’i kallë datën Ramës. Berisha tha se ai pëlqehet edhe nga socialistët dhe se PS me Ramën do të kenë probleme serioze.
“Së pari në qoftë se Edi Rama vendos të zgjedhë me votat e tij presidentin mund ta bëjë këtë sepse pavarësisht se zgjedhjet i plaçkiti dhe ato nuk shprehën vullnetin e popullit për fat të keq, komuniteti ndërkombëtar vazhdon t’i dënoje dhe opozita nuk i doli zot votës së qytetarë. Rama mund ta zgjedhë, por ai nuk mund të implikojë opozitën aktuale në këtë proces.
Ndaj edhe preferoj që të mos angazhohemi në një diskutim që nuk i ka ardhur koha akoma. Por me lëjoni tu jap një këshillë; mos harroni dhe asnjëherë të mos e pyesni për inceneratorët sepse do të vrapo dhe do të dalë jashtë. Keni edhe ju ndjenjat njerëzore ndaj tij. E patë mbrëmë si u ngrit. Del qartë se nëse ju e pyesni për inceneratorët është njëlloj si të tregoni litarin në shtëpinë e të varurit. Sa më pak ti përmendi emrin tim sepse e patë mbrëmë dhe e shikoni çdo ditë sesi ky emër ka filluar t;i kallë datën. Ai e di që unë jam i pëlqyer edhe nga socialistë të thjeshtë, por e di se ai do të ketë probleme shumë serioze me PD-në. Prandaj këto dy gjëra nëse doni që të mos iu ikë mos e pyesni”, deklaroi Berisha.
/b.h
A ke pyet ndonjehere opoziten per te zgjedh presidentin doktor ?