“Kam kaluar momente që nuk mendoja se do t’i kaloja. Kam takuar persona që nuk mendoja t’i takoja. Jam e zhgënjyer!”.
Këto ishin 3 fjalitë e shkruara në një letër të gjendur pranë trupit të pajetë të Suela Sulos, e cila u gjend e mbytur në banjën e mobilerisë së saj në Shkodër. Gjatë gjyqit kundër bashkëshortit të saj, ky i fundit tha se ajo letër nuk është shkruar nga dora e gruas së tij.
“Letra nuk është shkruar nga ajo. Nuk është kaligrafia e saj. Kur dola në mëngjes më tha jam e mërzitur, kam një shtrëngim në kraharor. Kur shkova në mobileri nuk e gjeta. Hyra në banjo dhe e gjeta të lidhur me litar. Shenjat e gishtave në fyt janë pasi i mata pulsin.”, pohoi Sulo nga seanca e gjyqit, teksa qëndron pas hekurave.
Gjykata vendosi për masën e sigurisë arrest me burg për bashkëshortin. Ngjarja e rëndë ndodhi mbrëmjen e 18 prillit.
