Këshilli I Ministrave ka miratuar sot një sërë vendimesh të rëndësishme.
Qeveria miratoi indeksimin e pensioneve në masën 1,6 për qind.
Qeveria miratoi edhe standardizimin e mënyrës së klasifikimit dhe kodifikimit të shërbimeve publike dhe të hartimit të formularëve për aplikimin në shërbime.
Qeveria vendosi miratimin e listës së institucioneve qendrore buxhetore, funksionarët dhe punonjësit e të cilëve janë subjekte përfituese nga skema e sigurimit shtetëror suplementar.
Qeveria vendosi shpronësimin, për interes publik, të pronarëve të pasurive të paluajtshme, pronë private, që preken nga “Zgjerimi i varrezave publike “Burdullias””, Bashkia Berat.
Qeveria gjithashtu vendosi shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “Unaza Lindore Tiranë (loti 3)”.
Qeveria vendosi edhe shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “By-Pass Plepa-Kavajë-Rrogozhinë (loti 8, rrugët dytësore)”.
Qeveria vendosi shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “Shkodër-Hani i Hotit (shtesa)”.
Qeveria gjithashtu vendosi lejimin e përdorimit të brigjeve të detit dhe të zonës përkatëse në funksion të realizimit të projektit investues strategjik “New Born”, Hamallaj, gjiri i Lalëzit, i cili ka përfituar statusin e investimit strategjik, procedurë e asistuar, me vendimin nr.1/15, datë 14.7.2016, të Komitetit të Investimeve Strategjike.
Qeveria vendosi miratimin e ndryshimit të statusit, nga tokë bujqësore në tokë truall, të sipërfaqes prej 5 900 (pesë mijë e nëntëqind) m2, me vendndodhje, për ndërtimin e Stacionit të Transferimit të Mbetjeve të Bashkisë Pogradec.
Qeveria vendosi lejimin e përdorimit të brigjeve të detit dhe të zonës përkatëse në funksion të realizimit të projektit investues strategjik “Green Coast”, Palasë, Himarë, zona kadastrale 1481-1739, i cili ka përfituar statusin e investimit strategjik, procedurë e veçantë, me vendimin nr.2/13, datë 14.7.2016, të Komitetit të Investimeve Strategjike.
Qeveria gjithashtu vendosi barazimin e masës së shtesës së pensioneve të posaçme shtetërore, të caktuara në harkun kohor 1.10.1993 – 31.12.2014, dhe indeksimin e pensioneve të posaçme e të shtesës së pensioneve të posaçme shtetërore
Qeveria vendosi që të gjitha shtesat e pensioneve të posaçme shtetërore, të caktuara me vendim të Këshillit të Ministrave, në masën e pensionit maksimal, në harkun kohor 1.10.1993 – 31.12.2014, të cilat vazhdojnë të paguhen edhe sot, do të bëhen 24 872 (njëzet e katër mijë e tetëqind e shtatëdhjetë e dy) lekë në muaj, me kusht që shuma e kësaj shtese, bashkë me masën e pensionit të caktuar sipas ligjit nr.7703,datë 11.5.1993, të ndryshuar, përjashtuar shtesën sipas nenit 33, të këtij ligji, të mos kalojë vlerën 49 744 (dyzet e nëntë mijë e shtatëqind e dyzet e katër) lekë në muaj.
Qeveria vendosi miratimin e listës përfundimtare të pronave të paluajtshme publike shtetërore, brenda juridiksionit territorial dhe administrativ të njësisë administrative përbërëse Ruzhdie, të Bashkisë Patos, që transferohen në pronësi ose në përdorim të saj.
Qeveria vendosi caktimin e anëtarëve të Këshillit Kombëtar të Arsimit Parauniversitar, të përzgjedhur me konkurrim publik, Tomi Treska; Ana Lalaj; Kseanela Sotirofski; Brikena Baxhaku; Elida Reçi; Suzana Tabaku.
Qeveria vendosi kalimin në pronësi të Bashkisë Vlorë të sipërfaqes 371 (treqind e shtatëdhjetë e një) m2 truall, pjesë e pronës me nr.17, me emërtimin “Rezidenca Qeveritare Vlorë”, sipas planimetrisë bashkëlidhur, me qëllim ndërtimin e rrugës “Dhimitër Konomi”, Vlorë.
Qeveria mori vendim për përbërjen, mënyrën e organizimit dhe të funksionimit të komisionit të autorizimit të produkteve biocide./a.m.
