Deri tani Real Madridi nuk ka arritur të fitojë trofe të rëndësishëm shtetëror.Gjiganti spanjoll u eliminua në Kupën e Mbretit ndërsa mbeti mbrapa edhe për titullin e kampionit ku dy trofetë u fituan nga Barcelona.
Por ‘Los Blancos’ mund ta fitojnë Ligën e Kampionëve për vitin e tretë radhazi pasi janë në finale me Liverpoolin. Për edicionin e ri, Real Madridi po planifikon përforcime të mëdha kryesisht në fazën e sulmit. Ndërkohë në portë pritet një investim i rëndësishëm pasi po tentohet transferimi i portierit brazilian Alisson.
Numri një i Romës mund t’i bashkohet Realit nëse ofrohen një shumë rreth 100 milionë euro. 12 herë kampioni i Evropës, do të tentojë transferimin edhe të dy sulmuesve.
Objektivi numër një mbetet braziliani Neymar, që do ta zëvendësonte Karim Benzeman. Ndërkohë në vend të Gareth Bale, pritet transferimi i egjiptianit Mohamed Salah. Formacioni i mundshëm i Real Madridit për edicionin e ri:
Alisson*, Carvajal, Ramos, Varane, Marcelo, Modric, Kroos, Casemiro, Salah*, Ronaldo, Neymar*, përgatiti Telegraf. (b.an)
