Deputeti i opozitës në Kuvendin e Shqipërisë, Myslim Murrizi me tonë të forta në Kuvend, duke u deklaruar i kënaqur me arritjen për hapjen e listave, ka theksuar se debati që bëhet për hapje të plotë apo jo, është i kotë.
“Ditë pas dite mu bashkuan kolegët, në atë kohë nuk besohej kurrë që një grusht i vogël deputetesh, jo pjesë e stabilishmentit politik 30 vjecar, apo elitave vendimmarrës, njerëz të përcmuar nga renditja edhe nga krerët e partive do të rikthenin votën e lirë të shqiptarëve për të zgjedhur individët që do të vijnë në këtë sallë, një ëndërr e prerë në 21 prill të 2008. Shpejt keni harruar ju të ardhurit nga LSI që i pari juaj, sot president ndenji 7 ditë në grevë urie. Sot po i japim mundësi shqiptarëve që të mos shkojnë me detyrim përcaktim dhe të votojnë 2 gjellë të prishura, një supë me krimba dhe një të ndenjur, por të na shohin në kokërr të syut. Nëse unë me të padrejtë mund të kem stigmatizuar ndokënd këtu, do t’i kërkoj falje publike, dilni në pazar për vota, te qytetaret cdo votë do të quhet gramë, nëse e kaloni kilen do ju kërkoj ndjesë publike deh nuk do më shihni në asnjë cep të politikës shqiptare”- tha ai.
Sipas Murrizit, kush kandidon për drejtor ujesjellësi, zv.ministër, shef arsimi apo tatimesh, nuk është konkurrim me votë te shqiptarët. “Ngjituni si rriqna te ata që e kanë në dorë këtë, ne duam hapjen e listave. Kemi vënë kufi për poshtë, jo më pak se 2/3 do të vënë në dukje këllqin e cdo subjekti, unë kandidoj me emër. Ju që vdisni për tu hapur në total, ku jeni?”- tha Murrizi.
Ai i është drejtuar me një ftesë kreut të grupit të PS-së, Taulant Balla dhe kryeministrit Rama.
“Ftoj Ballën e Ramës, që pas kësaj të ulemi për depolitizimin e administratës zgjedhore, se arrestet e fundit të SPAK-ut, më duken si formacion i zborit te para 90”- tha ai.
g.kosovari
