Amber Rose ka shkaktuar një reagim të ashpër në online, pas publikimit të një interviste ku shprehej se, sipas saj, nuk ka asgjë të keqe që femra t’i joshi meshkujt për para.
“Si femër, jemi shumë me fat që mund t’i përdorim aftësitë tona në mënyrë që të marrim para nga partneri. Shumë femra nuk dinë sesi të joshin një mashkull. Është tepër e lehtë një moment që arrin në atë pikë. Në atë moment mund të marrësh çfarëdolloj gjëje që dëshiron nga ata. E di që mund të tingëllojë keq, por një moment që arrin në atë pikë, nuk konsiderohet më shfrytëzim. Nuk është shfrytëzim i mashkullit, është të marrësh çfarë dëshiron me çdo mjet të mundshëm”, tha modelja 32-vjeçare për revistës “Time”, transmeton Noa.
Menjëherë pas kësaj deklarate, me qindra përdorues në Twitter kanë vërshuar në kritika ndaj Rose, duke e akuzuar atë si shembull negativ.
Shumë e kanë konsideruar këtë “këshillë” të turpshme, ndërsa të tjerë një lajthitje të modeles.
“Amber Rose këshillon femrat e reja sesi të bëhen të fuqishme financiarisht nëpërmjet kuletës së mashkullit”, shkruan një përdorues në Twitter, ndërsa një tjetër shprehet: “Kjo është Amber Rose dhe “feminizmi” i saj, ndërkohë që femrat anembanë botës luftojnë për të qenë të pavarura ekonomikisht”.
