Britanikja “Independent” ka publikuar një artikull, në të cilin thuhet se Shteti Islamik brenda një muaji arkëton mbi 45 milionë euro nga shitja e naftës. Kjo i ka mundësuar atyre të ruajnë sundimin e tyre mbi kalifatet e vetë-shpallura që shtrihen nëpër pjesë të gjëra të Sirisë dhe Irakut, pjesë të pasura me naftë, transmeton Koha.net. “Këto para të fituara, janë burimi i mbijetesës së ISIS-it, pasi lejojnë komoditetin në shpenzime për infrastrukturë, blerje armësh dhe financim të ushtarëve”, citohet International Business Times.
Rrjeti i shitjes së naftës së papërpunuar bëhet mes kontrabanduesve, të cilët paguajnë për një fuqi naftë rreth 9 euro deri në rreth 32 euro, duke çuar shkurtimin e çmimit ndërkombëtar edhe në afërsi të 46 eurove, për një fuqi naftë. Pas blerjes së parë kontrabanduesit, e shesin naftën e papërpunuar tek ndërmjetësuesit në Turqi. Për këtë shteti turk ka marrë aksion për të forcuar sigurinë kufitare, si pasojë kanë ndaluar 3,319 raste të kontrabandës vetëm deri në fillim të tetorit. ISIS-i besohet se nxjerrë rreth 30,000 fuçi gjatë ditës në Siri, kurse në Irak, nxjerrë rreth 20,000 fuçi.
