Ja kush janë 7 agjentët më të pasur në botën e futbollit
Revista ekonomike amerikane “Forbes” kanë publikuar një studim që i referohet të ardhurave të menaxherëve të futbollistëve. Ja cila është renditja e shtatë menaxherëve më të pasur në botën e futbollit…
7-Thomas Kroth
Agjencia: Pro Profil
Futbollistët që përfaqëson: Manuel Neuer, Aleksander Dragovic, Shinji Kagawa, Sebastian Rode, Jose Holebas
Vlera e gjithë kontratave: 197.8 milionë euro
Fitimi i agjencisë: 19.9 milionë euro
Ish-mesfushor shumë i vendosur i kombëtares gjermane, Kroth është bërë edhe më i suksesshëm si menaxher sesa si futbollist, që kur vari këpucët në gozhdë në vitin 1991. Nën përfaqësimin e tij është një nga portierët më të mirë në planet, Manuel Neuer i Bayern Munich, ashtu si ish-futbollisti i Manchester United, Shinji Kagawa.
6-Fernando Felicevich
Agjencia: Fernando Felicevich
Futbollistët që përfaqëson: Alexis Sanchez, Arturo Vidal, Claudio Bravo, Gary Medel
Vlera e gjithë kontratave: 200.6 milionë euro
Fitimi i agjencisë: 20.3 milionë euro
Felicevich ka hyrë në renditjen e menaxherëve më të pasur, pas Kupës së Botës që u zhvillua në Brazil, 15 muaj më parë. Disa futbollistë të Kilit, të përfaqësuar prej tij, shkëlqyen në atë veprimtari dhe vlera e tyre u rrit së tepërmi edhe këtë verë kur fituan Kupën e Amerikës. Katër lojtarë që menaxhohen nga Felicevich ishin në formacionin e Jorge Sampaolit. Sanchez luan te Arsenal, Vidal te Bayern, Bravo te Barcelona dhe Medel te Inter. Jo keq!
5-Mino Raiola
Agjencia: Mino Raoila
Futbollistët që përfaqëson: Paul Pogba, Henrikh Mkitarhyan, Blaise Matuidi, Zlatan Ibrahimovic, Maxwell, Romelu Lukaku, Mario Balotelli
Vlera e gjithë kontratave: 252.2 milionë euro
Fitimi i agjencisë: 25.3 milionë euro
Sër Alex Ferguson e ka fajësuar Raiolan për mënyrën si Paul Pogba u largua nga Manchester United, duke e quajtur tradhtar, por menaxheri i mesfushorit francez më shumë është i njohur si një shitës lojtarësh. Kjo figurë është nga mënyra si ka menaxhuar Zlatan Ibrahimovic. Në fillim të vitit 2014 u bë edhe menaxheri i Romelu Lukaku, duke e blinduar me një kontratë të majme te Everton. Henrikh Mkitarhyan është “diamanti” i radhës për menaxherin që ka edhe Mario Balotelli në listën e tij.
4-Jose Otin
Agjencia: Bahia Internacional
Futbollistët që përfaqëson: Vitolo, Fernando Torres, Javi Martinez, Jesus Navas, Pedro, Raul Garcia, Nacho Monreal
Vlera e gjithë kontratave: 259 milionë euro
Fitimi i agjencisë: 26 milionë euro
Jose Otin e ka shtirë rrjetën e tij në gjithë Europën, duke i dërguar si nga “yjet” e tij në secilin prej pesë kampionateve më të forta të kontinentit. Menaxheri i shoqërisë “The Bahia Internacional” punon vetëm me futbollistë spanjoll, por kjo nuk e ka penguar ish-spikerin e një radio iberike, t’i çojë lojtarët edhe jashtë La Liga.
3-Volker Struth
Agjencia: SportsTotal
Futbollistët që përfaqëson: Marco Reus, Mario Gotze, Toni Kroos, Benedikt Howedes, Sidney Sam, Omer Toprak, Gonzalo Castro, Josip Drmic.
Vlera e gjithë kontratave: 377 milionë euro
Fitimi i agjencisë: 37.7 milionë euro
Menaxheri i agjencisë “SportsTotal” është më i fuqishmi në futbollin gjerman, me disa nga futbollistët më të mirë që luajnë aktualisht në Bundesligë, të përfaqësuar prej tij. Mario Gotze është një nga emrat më të famshëm. Deklarata e Struth këtë verë, ku e akuzonte trajnerin e Bayern Munich, Pep Guardiola, se po e “shkatërronte” futbollistin e tij nga lënia në stol, bëri bujë të madhe.
2-Jonathan Barnett
Agjencia: Stellar Group
Futbollistët që përfaqëson: Gareth Bale, Joe Hart, Wojciech Szczesny, Scott Sinclair, Luke Shaw, Rafael, Glen Johnson, Phil Jagielka, Steven Naismith, Ashley Cole, Sylvain Distin, Tony Hibbert, Richard Wright
Vlera e gjithë kontratave: 389 milionë euro
Fitimi i agjencisë: 39 milionë euro
Barnett ishte ideatori dhe realizuesi i kalimit më të shtrenjtë që është regjistruar në historinë e futbollit kur Gareth Bale la Tottenham për të shkuar te Real Madrid, në vitin 2013, për 115 milionë euro. Një verë më pas e çoi Luke Shaw nga Southampton te Manchester United për 40 milionë euro. Barnett tha në fillim të këtij muaji se Bale nuk ka qenë kurrë pranë kalimit nga “Bernabeu” në “Old Trafford”, duke përgënjeshtruar atë që ka shkruar shtypi gjatë gjithë verës.
1-Jorge Mendes
Agjencia: Gestifute International
Futbollistët që përfaqëson: Cristiano Ronaldo, James Rodriguez, Eliaquim Mangala, Pepe, Ricardo Carvalho, Fabio Coentrao,Diego Costa, Thiago Silva, Tiago, Radamel Falcao, Angel di Maria, David de Gea, Jose Mourinho.
Vlera e gjithë kontratave: 849.4 milionë euro
Fitimi i agjencisë: 85.1 milionë euro
Mendes është pa hije dyshimi numri 1 i menaxherëve të futbollit duke marrë pjesë në mënyrë direkte në transferime lojtarësh për një vlerë totale, rreth 850 milionë euro. Me gjithë pagën që shkoi në xhepat e Cristiano Ronaldo, transferimi i Cristiano Ronaldo nga Manchester United te Real Madrid arriti vlerën totale në 160 milionë euro. Ronaldo ia ktheu borxhin duke i blerë një ishull si dhuratë për dasmën. Sër Alex Ferguson shkroi në librin e tij: “Ka disa menaxherë të mirë, por nuk ke nevojë për gjithë gishtat e njërës dorë për t’i numëruar. Mendes është numri 1.”
