Seanca e radhës per zgjidhjen e Presidentit te ri te vendit eshte propozuar diten e hene, me 23 Maj ora 18:00.
Propozimi u bë nga kreu i grupit parlamentar te PS, Taulant Balla ne Konferencen e Kryetareve.
“I dëgjova me vëmendje kolegët por sipas rregullores po e nis me thirrjen e raundit të dytë. Bazuar në nenin 109 të rregullores, në vijim të propozimit të Enkelejd Alibeaj për të marrë afatin maksimal përllogaritur nga dita e djeshme, propozoj që raundi i dytë të zhvillohet ditën e hënë në datën 23 maj në orën 18:00. Më fundor se kaq nuk ka. Pra besoj ky është propozim që biem të gjithë dakord”, tha Balla.
Kreu i grupit socialist tha se i vetmi kusht që kanë vendosur është që të jetë diamtrelikisht i kundërt me Ilir Metën. Balla u shpreh se askush nuk mund t’i heqë mazhorancës të drejtën për të propozuar emra.
‘Të drejtën grupit të PS-së për të propozuar emra nuk ja heq askush. Kam një muaj dhe më shumë që ju bëj thirrje publike që të vini dhe të ulemi. Me grupin që drejton Mediu jemi ulur dy herë. Tani do të diskutosh për emra. Nëse ne nuk propozojmë emra dhe ju nuk propozoni emra. Kur ulemi në tryezë ju thoni unë nuk jap emra se ju do të talleni me emrin tonë. Ne kemi vendosur vetëm një kusht, të jetë diamtralikisht i kundërt me Ilir Metan. Këtë duam! Ju nuk mund t’i heqni të drejtën mazhorancës që të propozojë emra.’- tha Balla.
g.kosovari
