E përditësuar/ Ministria e Mbrojtjes ka sjellë dhe njoftimin e saj të parë, duke dhënë emrat. Kapiteni Florian Deliaj dhe Togeri Donald Hoxha janë dy personat që kanë humbur jetën nga rrëzimi i helikopterit. I mbijetuari është ushtari profesionist Gerald Baramuçaj. Forcat polumbare më në fund kanë rekuperuar edhe trupat e pajetë të dy viktimave.
Sipas raportimit të Ministrisë së Mbrojtjes helikopteri po kryeten një fluturim stërvitor. Ai është nisur në orët e paradites nga farka dhe i ka humbur kontaktet me qendrën e kontrollit në orën 14:45.
Po sipas njoftimit, në spitalin rajonal të Shkodrës kanë shkuar 3 ministrat Kodheli Tahiri dhe Beqaj. Në zonën e rrëzimit tek liqeni i Shkodrës kanë shkuar një sërë forcash shpëtimi.
Njëra nga viktimat kapiteni Donald Hoxha
……………..
Një helikopter është rrëzuar në Malësi të Madhe. Ngjarja e rëndë ndodhi rreth orës 14.00. Ngjarja ka ndodhur në fshatin Grizhë dhe raportimi të organet e sigurisë është bërë nga banorët e zonës të cilët kanë qenë dëshmitarë të aksidentit. Helikopteri ka pësuar avari dhe është rrëzuar në Liqenin e Shkodrës.
Bëhet me dije se kemi të bëjmë me një helikopter të Forcave të Armatosura. Nuk dihet ende se sa persona udhëtonin në bord. Paraprakisht raportohet se 2 persoan kanë vdekur dhe një është plagosur.
Ndërkohë kryetari i bashkisë së Malësisë së Madhe Tonin Marinaj konfirmoi për News 24 se po bëhen kërkime në zonë pasi mund të ketë të tjerë persona që udhëtonin në mjetin fluturues.
“Nuk ka pasur shpërthim në momentet e rrëzimit. Banorët e zonës kanë nxjerrë 1 person të vdekur dhe një të gjallë që u transportua drejt spitalit rajonal. Nuk mund të flasim për numër të saktë, por po punohet për nxjerrjen e të tjerë personave që mund të kenë qenë në bord pasi terreni ishte i vështirë”, tha Marinaj.
Nisen drejt vendngjarjes 3 helikopterë të Forcave të Armatosura
Pas raportimit të ngjarjes së Malësisë së Madhe ku u rrëzua një helikopter, Forcat e Armatosura kanë nisur drejt vendngjarjes 3 helikopterë ushtarak.
Ministria e Mbrojtjes nuk jep detaje rreth llojit të helikopterit por sqaron se po bëhen verifikimet. Në videon e mëposhtme janë pamje nga vendngjarja.
Vijon…
