Përmbajtja e marrëveshjes detyruese –juridike ndërmjet Beogradit e Prishtinë varet ekskluzivisht nga të dy palët, ka thënë sot në Beograd Sem Fabrizi, ambasador i Bashkimit Europian në Serbi, transmeton Koha.net. Përmbajtjen e kësaj marrëveshjeje duhet ta përcaktojnë Serbia dhe Kosova.
Ne, si Bashkim Europian dhe Përfaqësuesja e lartë Federica Mogherini, jemi ndërmjetës në atë proces. Për ne ka rëndësi jetësore që të nisë në proces i qëndrueshëm dhe i dallueshëm i normalizimit të marrëdhënieve.
Kjo gjë është po ashtu e rëndësishme për rrugën e tyre drejt BE-së duke evituar bllokimin e njëra tjetrës drejt përparimit. Jemi shumë të bindur se të dy palët do ta arrijnë këtë marrëveshje“, citon Rel të ketë thënë Fabrizi.
Ai ka përsëritur se normalizimi i marrëdhënieve Serbi – Kosovë është pjesë e procesit negociues dhe marrëveshja për normalizim duhet të ratifikohet para anëtarësimit të Serbisë në Bashkimin Europian. (b.an)
