Izraeli ka ndryshuar vendimin e tij fillestar dhe do t’i dorëzojë aktivistët e ndaluar nga flotilja humanitare “Global Sumud Flotilla” drejt Greqisë, në vend që t’i çojë në territorin izraelit. Lajmin e ka bërë të ditur vetë ministri i Jashtëm izraelit, Gideon Saar pas marrëveshjes me Athinën.
Aktivistët u ndaluan gjatë natës së kaluar (29-30 prill 2026) në ujërat ndërkombëtare pranë ishullit grek të Kretës, ndërsa po përpiqeshin të lundronin drejt Gazës për të thyer bllokadën detare izraelite dhe për të dorëzuar ndihma humanitare.
Sipas burimeve izraelite, rreth 175 aktivistë nga më shumë se 20 anije u ndaluan dhe u transferuan në një anije izraelite.
Fillimisht, autoritetet izraelite kishin deklaruar se ata do të çonin në Izrael për procedurat e deportimit.
Por pas një marrëveshjeje me qeverinë greke, aktivistët do të zbarkohen në bregun grek brenda
Ajo u nis nga Barcelona, kaloi nëpër Itali dhe Greqi, dhe konsiderohet si një nga flotiljet më të mëdha të këtij lloji deri tani.
Organizatorët thonë se anijet mbartin ndihma humanitare si ushqim dhe ilaçe për civilët në Gaza.
Izraeli e konsideron flotiljen një “provokim” dhe akuzon disa pjesëmarrës se kanë lidhje me Hamas-in (akuzë që organizatorët e mohojnë).
Autoritetet izraelite kishin paralajmëruar se do të ndërhynin për të parandaluar arritjen në Gaza, duke propozuar dorëzimin e ndihmave nëpërmjet porteve si Ashkelon ose Qipro.
Aktivistët e flotiljes e përshkruajnë ndërhyrjen izraelite si “sulm të dhunshëm në ujërat ndërkombëtare”, duke akuzuar forcat izraelite se kanë dëmtuar motorët, sistemet e navigimit dhe komunikimit të anijeve. Disa anije raportohet se mbetën pa mundësi lundrimi, ndërsa të tjera (rreth 36) vazhdojnë rrugën.
