Detaje të reja kanë dalë pas arrestimit të gjyqtares Enkelejda Hoxha. Sipas informacioneve paraprake, burime bëjnë me dije se këta persona po planifikonin lirimin e një të dyshuari për vrasje nga burgu i Fushë-Krujës. Hoxha së bashku me avokatin Aldo Tabaku kishin marrë një shumë të konsiderueshme parashë për lirimin e të dënuarit për vrasje.
Ky i fundit ishte riarrestuar nga policia disa kohë më parë, por kishte gjetur hapësirat ligjore përmes avokatit dhe gjyqtares që të shpresonte lirinë.
Kompjuterat personale dhe të gjitha dokumetet e saj janë marrë në sekuestrim nga ana e SPAK. Tashmë gjyqtarja do të përballet me akuzat e korrupsioni, shpërdorimit të detyrës dhe ndikimit të funksionarëve publikë.
Hoxha ishte vënë në vëzhgim dhe nën shënjestrën e akuzave pas firmosjes së disa vendimeve për lirimin e personazheve të njohura të botës së krimit. Ndërkohë operacioni vijon ende dhe po kryhen kontrolle edhe në banesat e personave të dyshuar si të përfshirë në veprimtarinë kriminale.
Të gjithë të arrestuarit dyshohet se kanë qenë pjesë e një grupi të strukturuar kriminal që në bashkëpunim me njeri-tjetrin kanë liruar apo tentuar të lirojnë nga burgu të dënuar për krime të rënda.
g.kosovari
