Policia dhe Skuadra Lëvizëse e Pesaros, kanë bërë të mundur arrestimin e dy shqiptarëve, rreth të 20-tave, të kapur në flagrancë me kokainë gati për tja shitur klientëve.
Sipas mediave vendase, hetuesit prej disa ditësh kishin vënë re një makinë Fiat Panda, e cila më pas rezultoi se ishte marrë me qira në Rimini, me të cilën dy shqiptarët mbërrinin në qendër, duke u ndalur aty vetëm për disa minuta dhe më pas ktheheshin në Romagna. Këto lëvizje, së bashku me faktin se u panë të takoheshin me një person të njohur nga agjentët si narkoman, nxitën dyshimin se udhëtimet e tyre mund të kishin për qëllim dërgimin e drogës.
Pasditen e 7 korrikut, e njëjta makinë u kap sërish në Pesaro dhe u ndoq nga policët. Nga kontrolli i kryer ndaj shqiptarëve u bë e mundur gjetja e mbajtur brenda një kavanozi të një mbështjelljeje me kokainë rreth 30 gramë, e mbuluar me kujdes me një shtresë orizi për të thithur lagështinë dhe për të ruajtur cilësinë e produktit.
Një dozë tjetër u gjet në këpucën e veshur nga njëri prej të dyve. Më në fund u sekuestrua materiali për paketimin e dozave dhe shuma e parave prej 120 euro, të cilësuara si të ardhura nga shitja e drogës.
/e.d
