Autoritetet italiane kanë ndërmarrë një plan të veçantë kontrolli në territor për të ndaluar lëvizjen e personave në këto ditë të Festës së Pashkëve.
Në çdo qytet e rajon të vendit, autoritetet policore po patrullojnë nga toka e nga ajri me përdorimin dhe të dronëve specialë që të parandalojnë lëvizjen dhe spostimet e pakotrolluara të banorëve.
Italia prej datës 10 mars ndodhet në masat e izolimit total shkaktuar nga pandemia Covid 19, e cila deri më tani ka çuar në mbi 19 mijë numrin e viktimave e mbi 152 mijë numrin e të infektuarve.
Gjatë javës që po mbyllet, autoritetet italaine kanë kontrolluar rreth 2 milionë persona e kanë gjobituar 71 420 prej tyre.
408 persona janë gjobitur për autocertifikim të falsifikuar e 136 për dhunim të masës së karantinës.
Gjithashtu janë kontrolluar rreth 700 mijë aktivitete tregtare e janë gjobitur 1079 prej tyre.
Numri i personave të gjobitur gjatë kësaj jave festive është rritur me 18.6%, në krahasim me javën e mëparshme.
