Italia pritet të ketë një roil shumë të madh në mbështetje të Reformës në Drejtësi në Shqipëri, si dhe në disa drejtime të tjera në fushën e drejtësisë që janë tejet sensitive për qeverinë shqiptare. Kjo është konfirmuar gjatë një takimi mes Ministres së Drejtësisë Etilda Gjonaj dhe Ministrit të Drejtësisë italiane Andrea Orlando, gjatë vizitës zyrtare që po zhvillon në vendin fqinj ministrja Gjonaj, me ftesë të qeverisë italiane. Rezultat i takimit dy palësh ndërmjet Ministrave të Drejtësisë, ishte dakortësimi i lidhjes së një marrëveshjeje bashkëpunimi kuadër në fushën e drejtësisë. Kjo me qëllim institucionalizimin e bashkëpunimit të ngushtë për zbatimin e reformës në drejtësi dhe realizimin e prioriteteve të qeverisë në drejtësi.
Rezultat i takimit dy palësh ndërmjet Ministrave të Drejtësisë, ishte dakortësimi i lidhjes së një marrëveshjeje bashkëpunimi kuadër në fushën e drejtësisë. Kjo me qëllim institucionalizimin e bashkëpunimit të ngushtë për zbatimin e reformës në drejtësi dhe realizimin e prioriteteve të qeverisë në drejtësi.
Marrëveshja e Bashkëpunimit kuadër midis dy Ministrave, do të konsistojë gjithashtu edhe në reformat legjislative, në fushën penitenciare, në ndihmën e ndërsjelltë gjyqësore, në çështjet e drejtësisë penale për të miturit, duke përfshirë dhe aktorë të tjerë të sistemit të drejtësisë, me rol në formimin e magjistratëve si dhe të qeverisjes të sistemit të drejtësisë.
Të dy ministrat shprehën dhe vullnetin për të bashkëpunuar në masat që do të ndërmerren nga shteti shqiptar në luftën kundër krimit të organizuar dhe antikorrupsionit.
Dy grupe në nivel teknik respektivisht nga çdo ministri do të ngrihen me qëllim për detajimin e fushave dhe drejtimeve në të cilat do të orientohet dhe strukturohet bashkëpunimi.
Marrëveshja e bashkëpunimit në fushën e drejtësisë midis dy Ministrave e cila do të firmoset shumë shpejt në Tiranë, garanton mbështetjen e pakushtëzuar të shtetit Italian në procesin e integrimit Evropian të Shqipërisë.
ma.me/javanews.al
